Компьютерын дугаараа хэрхэн харах вэ
Лиценз авахын тулд компьютерынхээ дугаарыг бидэнд илгээх хэрэгтэй. Энэ нь 16 тэмдэгт бөгөөд програмын дотроос нэг товшилтоор хуулж авна.
Дугаар ийм хэлбэртэй байна. Компьютер бүрийнх өөр.
Хайх шаардлагагүй — өөрөө гарч ирнэ
Програм таны дугаарыг гурван газар автоматаар харуулдаг. Цэс уудлах, тохиргоо хайх шаардлагагүй.
Лицензгүй компьютерт шалгалт дуусангуут лицензийн цонх өөрөө нэг удаа нээгдэнэ. Дугаар чинь тэнд том үсгээр бичигдсэн, хажууд нь «Хуулах» товчтой байна.
«Диск», «Санах ой» гэх мэт дэлгэрэнгүй хуудас руу орвол түгжээний мэдэгдэл гарна. Тэр мэдэгдэл дээр дугаар чинь шууд бичигдсэн, «Хуулах» товч бас байна.
Шалгалт дуусахад «Тойм» хуудасны дээд талын мөрөнд компьютерын нэр, загвар, огнооны хажууд «Дугаар: ...» гэж бичигдэнэ.
Цонхыг хаачихсан, эсвэл дахин харах бол доорх гурван алхмыг хийнэ.
Гараар нээх
Програмаа нээх
MyPC-Shalgalt програмыг нээнэ. Шалгалт дуусахыг хүлээх шаардлагагүй — дугаар нь тэр дороо бэлэн байна.
«Лиценз авах» дарах
Цонхны баруун дээд буланд «Лиценз авах» товч байна. Түүнийг дарна.
Лицензтэй байвал энэ товч «Лицензийн мэдээлэл» гэж бичигдсэн байх бөгөөд мөн адил ажиллана.
Дугаараа хуулах
Гарч ирэх цонхны дунд хэсэгт «Таны компьютерын дугаар» гэсэн бичгийн доор дугаар харагдана. Хажууд нь байгаа «Хуулах» товчийг дарвал санах ойд хуулагдана.
Дараа нь Messenger, мессеж эсвэл цахим шуудан руу Ctrl+V дарж буулгана.
Тэр цонхны «Худалдан авах хуудас нээх» товчийг дарвал энэ сайт нээгдэж, дугаар чинь аль хэдийн бичигдсэн байна. Гараар хуулах шаардлагагүй болно.
Лицензээ идэвхжүүлсэн даруйд цонх дахин өөрөө нээгдэхээ болино. Лицензгүй хэвээр ашиглах бол цонх нэг удирдлагын сесс тутамд нэг л удаа гарна — дахин шалгахад давтагдахгүй.
Энэ дугаар юунаас тогтдог вэ
Програм таны компьютерын дараах гурван зүйлийг уншина:
- Эх хавтангийн UUID — үйлдвэрээс өгсөн давтагдашгүй дугаар
- Эх хавтангийн сериал дугаар
- Процессорын дугаар
Эдгээрийг нийлүүлээд нэг чиглэлт хувиргалт (SHA-256) хийж 16 тэмдэгт болгоно. «Нэг чиглэлт» гэдэг нь: дугаараас буцааж эх хавтангийн сериалыг олох боломжгүй гэсэн үг.
Энэ нь Windows-ийн лицензийн түлхүүр биш, компьютерын сериал дугаар биш, таны хувийн мэдээлэл биш. Зөвхөн «энэ компьютер» гэдгийг таних зорилготой цэвэр техникийн дугаар. Хэн нэгэнд харуулахад аюулгүй.
Хэзээ өөрчлөгдөх вэ
| Юу хийсэн | Дугаар |
|---|---|
| Windows дахин суулгасан, формат хийсэн | Өөрчлөгдөхгүй |
| Диск сольсон, SSD рүү шилжсэн | Өөрчлөгдөхгүй |
| Санах ой нэмсэн эсвэл сольсон | Өөрчлөгдөхгүй |
| Видео карт сольсон | Өөрчлөгдөхгүй |
| Тэжээлийн блок сольсон | Өөрчлөгдөхгүй |
| Компьютерын нэрийг өөрчилсөн | Өөрчлөгдөхгүй |
| BIOS шинэчилсэн | Ихэвчлэн өөрчлөгдөхгүй |
| Процессор сольсон | Өөрчлөгдөнө |
| Эх хавтан сольсон | Өөрчлөгдөнө |
Өөрөөр хэлбэл дугаар нь эх хавтан, процессор хоёрт уягдсан. Эдгээрийг л солиогүй бол компьютерээ хэдэн ч удаа форматлаж, шинэчилсэн лиценз чинь хэвээр ажиллана.
Хугацаа нь дуусаагүй байгаа лицензийг шинэ дугаарт нь үнэ төлбөргүй шилжүүлж өгнө. Хуучин болон шинэ дугаараа бидэнд илгээнэ үү: 8071-0101
Гараар бичих хэрэг гарвал
Эвдэрсэн компьютерт интернэт байхгүй, флаш ч байхгүй тохиолдолд дугаарыг цаасан дээр бичиж аваад өөр төхөөрөмжөөс илгээж болно.
Дугаарт ашиглагдах тэмдэгтүүдийг санаатайгаар сонгосон — андуурч болох үсгүүдийг хассан. Тиймээс:
Дугуй хэлбэртэй бол тэг (0).
Босоо зураас бол нэг (1).
Төстэй бол V байна.
Жижиг үсэг байхгүй.
A1B2-C3D4-E5F6-G7H8 болон A1B2C3D4E5F6G7H8 хоёр адилхан. Зураас нь зөвхөн уншихад хялбар байхын тулд тавигдсан. Хоосон зайтай бичсэн ч танина.
Бидэнд хэрхэн илгээх вэ
- Messenger — m.me/mypc.mn руу буулгаад илгээнэ
- Утсаар — 8071-0101 руу залгаад уншиж хэлнэ. Дөрвөн тэмдэгтээр нь салгаж хэлэх нь хялбар.
- Дансаар төлөх үед — гүйлгээний утга дээр дугаараа бичнэ
- Онлайнаар — програмын «Худалдан авах хуудас нээх» товчийг дарвал дугаар автоматаар орно
Дугаар харагдахгүй бол
«Лиценз авах» товч олдохгүй байна
Товч нь цонхны хамгийн баруун дээд буланд, «MyPC.mn» бичгийн эсрэг талд байрладаг. Цонх жижиг бол товч шахагдаж магадгүй — цонхны буланг чирж томсгоно уу.
Мөн та хуучин хувилбарын програм ашиглаж байж болно. Лиценз нь v2.0-аас эхлэн нэмэгдсэн. Шинэ хувилбарыг татаж авна уу.
Дугаарын оронд хоосон эсвэл сондгой утга гарч байна
Зарим угсармал компьютерт эх хавтангийн үйлдвэрлэгч сериал дугаар бичээгүй үлдээсэн байдаг. Тийм тохиолдолд програм өөр аргаар дугаар үүсгэж, таны компьютерт хадгална — ажиллагаа нь адилхан.
Гэхдээ энэ тохиолдолд Windows дахин суулгавал дугаар өөрчлөгдөж магадгүй. Формат хийхээсээ өмнө бидэнд хэлээрэй — лицензээ шилжүүлж өгнө.
Хоёр компьютер дээр ижил дугаар гарч байна
Ижил загварын олон компьютер нэг дор худалдан авсан байгууллагад ховор тохиолддог — үйлдвэрээс бүгдэд нь ижил сериал бичсэн байна. Бидэнд хандана уу, өөр аргаар шийднэ.
Хуулах товч ажиллахгүй байна
Дугаарыг хулганаараа тэмдэглээд Ctrl+C дарж болно. Эсвэл зүгээр гараар бичиж аваарай — 16 тэмдэгт л байна.
Лицензийн үнэ, худалдан авах арга, идэвхжүүлэх алхмыг лицензийн хуудсанд үзнэ үү. Эсвэл шууд залгаарай: 8071-0101