Лиценз авах
Шалгалтын програмын «Тойм» хуудас үргэлж үнэгүй. Дэлгэрэнгүй үр дүн, HTML тайлан авахад лиценз хэрэгтэй.
Үнэ
Лиценз нэг компьютерт хамаарна. Компьютер форматласан ч лиценз хэвээр ажиллана.
Засварын газар, байгууллага олон компьютерт нэг лиценз авах боломжтой — 8071-0101 руу залгаж ярилцаарай.
Үнэгүй ба лицензтэй хувилбарын ялгаа
| Боломж | Үнэгүй | Лицензтэй |
|---|---|---|
| Эрүүл мэндийн оноо, ерөнхий дүгнэлт | Байгаа | Байгаа |
| Гол анхааруулгууд («Хамгийн түрүүнд засах») | Байгаа | Байгаа |
| Диск, санах ой, батарейн хураангуй | Байгаа | Байгаа |
| 16 хэсгийн дэлгэрэнгүй үзүүлэлт | Хаалттай | Нээлттэй |
| «Юу хийх вэ» — алхам алхмаар заавар | Хаалттай | Нээлттэй |
| Драйвер, лиценз, хамгаалалтын жагсаалт | Хаалттай | Нээлттэй |
| HTML тайлан хадгалах, хэвлэх | Хаалттай | Нээлттэй |
Хэрхэн худалдан авах вэ
Програмаасаа хүсэлт илгээ
Програмыг нээгээд баруун дээд буланд байгаа «Лиценз авах» товчийг дарна. Гарч ирэх цонхон дээрх «Лиценз хүсэх» товчийг дарж багцаа сонгоод нэр, утсаа бичээд илгээнэ. Компьютерын дугаар автоматаар орох тул гараар бичих шаардлагагүй.
Хүсэлт бидэнд шууд ирнэ — ажлын цагаар удалгүй тантай холбогдоно.
Шууд залгаж бас болно: 8071-0101. Тэр үед компьютерын дугаараа хэлнэ — хаанаас харах вэ →
Төлбөрөө төл
Дараах данс руу шилжүүлээд гүйлгээний утга дээр компьютерын дугаараа бичнэ:
Банк: Хаан банк
Данс: 0000 0000 0000
Хүлээн авагч: MyPC.mn
Гүйлгээний утга: компьютерын дугаараа бичнэ
Түлхүүрээ ав
Төлбөр орсны дараа бид түлхүүрийг Messenger эсвэл утсаар илгээнэ. Баримтаа илгээвэл ажил хурдан бүтнэ. Ажлын цагаар ихэвчлэн 10 минутын дотор.
Идэвхжүүл
Програмын «Лиценз авах» цонхны доод талын нүдэнд кодоо эсвэл түлхүүрээ буулгаад «Идэвхжүүлэх» дарна. Тэр дороо бүх хэсэг нээгдэнэ.
Түлхүүрийг файлаар авсан бол «Файлаас сонгох» дарж тэр файлыг заана.
Эвдэрсэн компьютерт интернэт байхгүй байх нь элбэг. Тийм тохиолдолд компьютерын дугаарыг гараар бичиж авч, өөр төхөөрөмжөөс бидэнд илгээнэ. Бид түлхүүр үүсгэж өгөх бөгөөд түүнийг флаш дээр хуулж авчирч идэвхжүүлж болно. Түлхүүр идэвхжүүлэхэд интернэт шаардлагагүй.
Түгээмэл асуултууд
Нэг түлхүүрийг хэдэн компьютерт хэрэглэж болох вэ?
Зөвхөн нэг компьютерт. Түлхүүр нь тухайн компьютерын дугаарт уягдсан тул өөр компьютер дээр ажиллахгүй. Олон компьютер шалгадаг бол 30 хоног эсвэл 1 жилийн багц авахыг зөвлөж байна — эдгээр нь нэг компьютерт үйлчлэх боловч засварын газарт нэг ажлын компьютер дээрээ байнга хэрэглэхэд тохиромжтой.
Windows дахин суулгасны дараа лиценз ажиллах уу?
Тийм. Компьютерын дугаар нь эх хавтан, процессор дээр үндэслэсэн тул формат хийсэн ч өөрчлөгдөхгүй. Зөвхөн түлхүүрээ дахин оруулах шаардлагатай — тиймээс түлхүүрээ хадгалж аваарай.
Эх хавтангаа сольсон бол?
Эх хавтан солигдвол компьютерын дугаар өөрчлөгдөнө. Хугацаа нь дуусаагүй байгаа бол бидэнд хандана уу — шинэ дугаарт нь үнэ төлбөргүй шилжүүлж өгнө.
Лиценз худалдаж авалгүй хэрэглэж болох уу?
Болно. «Тойм» хуудас үргэлж бүрэн нээлттэй: эрүүл мэндийн оноо, гол анхааруулгууд, дискний дүүргэлт, санах ойн ачаалал, батарейн байдал бүгд харагдана. Ихэнх хэрэглэгчид энэ хэмжээнд хангалттай мэдээлэл авдаг.
Хугацаа дуусвал юу болох вэ?
Програм үргэлжлүүлэн ажиллана, гэхдээ үнэгүй хувилбар руу буцна — «Тойм» хуудас нээлттэй хэвээр байна. Шинэ түлхүүр авбал дахин нээгдэнэ.
Төлбөр төлсөн ч түлхүүр ирэхгүй байвал?
Messenger эсвэл 8071-0101 руу баримтаа илгээнэ үү. Ажлын цагаар шуурхай шийдвэрлэнэ.
MyPC.mn-ийн шалгалтын програм таны компьютерын диск, санах ой, батарей, драйвер, аюулгүй байдлыг шалгаж, юуг эхэлж засахыг дарааллаар нь харуулна. Суулгалт шаардахгүй, юу ч өөрчлөхгүй. Татах хуудас